وقدمت حجزي بالخطوط الكويتيه
معاك الوفا والحب والشوق والتحنان
وهذي مميزات // البكار العمانيه
على الخوض عنيت القدم والعلوم اسمان
وسهرت شعري // والعيون الشقاويه
تمنيت اشوفك واقف لي على البيبان
ولكن سلوم اهلي تعذر على النيه
على سد وادي ضيقه تستمتع العربان
وكلٍ فرح في شوف خله وغاليه
وانا تبكي عيوني وسيلت بالوديان
دموعٍ من احداقي ولاهي بجوفيه
وضاقت فجوجي وانفجر باطن البركان
ونيران قلبي ماهي والله بسطحيه
من الونه القشرا بليت البلد يافلان
وحيرت ارضي // والحياة الطبيعيه
تغريدات : عمر اللهيميد
omar_allohaimed@
ياصاحبي سويت لك الف ( رتويت )
ابي اخلي الناس تعرف مقامك
وطلعت هلفوتٍ وربعك هلافيت
وانا ( مرتوت ) وانت هذا نظامك
يامحمد يارسول الله ياخير العباد
يافداك امي وابويه والعيون المجهمه
السموحه يارسولي والخطا عدا وزاد
وماقدرت اخذ بحقك غير في هالملهمه
//////
يدور الزمان وماعلى شرهته محسوب
ولكن بعض الناس // محدٍ يحاسبها
ربيع العرب ماهو مع الصيف ياعرقوب
وبعض البشر ودك // تنتف شواربها
//////
كل الحلا لايق عليك انت بالذات
ياللي عليك عيون سودٍ وسيعه
مفروض ماتاكل سنيكر وكتكات
الناس تستورد حلاك وتبيعه
صبحكم الله بالسعد والمسرات
ياللي على // الآيفون وبلاك بيري
ان كان ماتكفي جميع العبارات
آبدل احساسي مع احساس غيري
//////////
مافات مني // يعتري // مافات له
والشوق والاحساس من قل العتب
المشكله // لاجات // ذكرى قاتله
انا اعتبرها // بالخطا // قلة ادب
/////////
ودي اوقف في طريقك باختصار
واكتب بكل ( الشوارع ) لاتسافر
واعكس اللوحات في كل المطار
ولوحة القادم // اخليها مغادر
/////////
ياهيه قلي / يابو تمام / وش علمك
شعر الحداثه غريب // وفيه ماريه
انت انتهيت وصراحه // احترقت فلمك
وانا القصايد بجوفي // نارها حيه
///////
كل واحد مننا عايف وقاوي
والسوالف من تعاليلك غثيثه
اعترف اني على فرقاك ناوي
وانت ناويلي على // نيه خبيثه
/////////
البعض في ( تويتر ) مقدر ومحشوم
وانا حسمت البعض / والحسم حسمي
ياحلوه الشاعر ليا // جاك مهضوم
كاتب على ( بروفايله ) حساب رسمي
////////
: دخيلك لاتعلقني وانا محتاجك امن العام
ارددها ابي شوفك دخيلك لا تعلقني
ربع وجهك تشوفني وصوره بالأنستغرام
توكل وارسل لحالك ،، واذا ودك تفارقني
///////
غرد بـ صوره يابعد/ عين مغليك
عطني طرف ( وجهك ) وغـرد بـ صوره
الرجل عني / ياغلا الروح تلفيك
وكل المشاعر جات صوبك فخوره
/////////
على حزة المغرب مع // مدفع الافطار
همومي تزور وترتمي بي وترميني
وانا اصبر النفس العفيفه بالاستغفار
ومره احك الكوع / ومره احك عيني
///////
الصبح طير الناس // حايم وساجع
لاواهني الطير // فـ مقابل الطير
وانا مداوم بس // طرق المراجع
اثري دوامي ياعرب من ورى السير
/////////
زيارات رسميه مع / كيم كاردشيان
وانا لي دهر ابغي زيارات رسميه
اوقع على شطب التعارف مع الانسان
غديت الفرنجي / تحت ضغط البيزنطيه
//////
قصيدتك ودي ارسمها
بس الصراحه طلعت لوحه
ان جيت من قبل اقسًمها
صارت مع العود مطروحه
///////////
أن كنت ضايق / اضيًق خاطري كله
وانت كنت رايق / احطك داخل عيوني
لالا تجيني تخلط العشق / والعله
خل البساط احمدي والناس يقروني
////////
يابحر ماجيت لك عاشق لـ ملحك
جيت ابحذف بك رساله / لاتهون
بالصحاري طلح وادري ماهو طلحك
وبالمدينه شخص قالو له (( بدون ))
/////////
ودي اشوفك لين / عيني / تملك
وودي املك لين / اشتاق بالحيل
خليتني اتبع مع الناس / ظلك
وخليتني اتبع / ظلال القناديل
///////
كلمتني ياصاحبي فـ صيغة الجمع
وانا معك ياناعس الطرف ،،، واحد
مدري غرور اللي تسويه أو قمع
أو انت طبعك للمخاليق ،،،، جاحد
/////////
راحت وراح الحال / من غير مصلوح
وفجأه نظرة الورع / ماسك بيدها
نظرة ولدها ياسعد / جرت الروح
وشلون لو اني / ملاعب ولدها
///////
ماجيت(( لـ تويتر )) لعينك اغرد
وماقلت لك ياصاحبي سو رتويت
انا هنا اعشق جنون التفرد
والا انت تغريدك على عود كبريت
عمر اللهيميد
تحت إشراف
الاخ الغالي
ابراهيم الموسى
Ebrahimalmosa@
ليست هناك تعليقات:
إرسال تعليق
تعليقك يمثل رأيك وشخصيتك